كيفية فتح عياده بيطريه

سم الله الرحمن الرحيم

خريج جديد ومش عارف تفتح عيادتك؟
خليك معايا هتستفيد إن شاء الله

أولا
يكون معاك تصريح مزاولة مهنة
ودة من ضمن ورق النقابة
لمعرفة كيفية عملة اتبع اللينك التالي
http://www.gannahway.com/forums/index.php?showtopic=8391

ثانيا
البحث عن المكان المناسب
شروطة
1-قريب من العمران.
2-تأكد من أن سكان المنطقة كويسين (بيدفعوا يعني).
3-ايجار المكان قليل ومعقول.
4-يكون معاك عقد ايجار مسجل في الشهر العقاري.

ثالثا
عمل تصريح عيادة
وذلك في النقابة بمبلغ 50 جنية
ومتعملش التصريح إلا بعد مرور 3-4شهور عشان تشوف الموضوع مجزي ولا هتنقل مكان تاني

رابعا
الحاجات اللي هتبدأ تجيبها في العيادة
1
شوية أعلاف علي إضافات أعلاف
(أملاح -فيتامينات)

2
الأدوية
ودية أهم حاجة ونصيحة
أما تجيب هات من كل صنف (عبوة -زجاجة ) عشان هو دة المسموح بيه في العيادة
لكن عايز تتاجر في الأدوية هتعمل تصريح معرض أدوية من الهيئة العامة للخدمات البيطرية ودة هيكلفك حوالي 1000جنية رسوم بس (ألف جنية)

أنواع الأدوية اللي تخليها معاك في العيادة
مرتبة علي حسب الإستخدام

خافض الحرارة
أنالجين -مينالجين -بحوالي 5جنية ال100ملل

خافض حرارة +مضاد إلتهاب
ديكلوفلام-ديكلوفينيل-ديفلام-مرتبين من الأغلي للأرخص

أعلي حاجة طبعا
تولفين (من شركة إنتركوفا)-فينادين

مضاد هيستامين
أفيل(بشري)-هيستاكيور

مضادات حيوية
بنسيلينات
فيتروسين-فيتبيوتك-ستروبين جيكت(أسوء نوع)
بينتوميسين (زجاجة 100ملل سائل)

جينتاميسين شركة النصر-جينتابريم

بورجال(سلفا+ترايميثوبريم)في حالات الإسهال الشديد

طويل المفعول
تراميسين-ألاميسين-إسبكتروبان(أقوي فأقل)

السلفات
سلفا للحقن -سلفا بودرة -نيومايسين-أمبروليم

أقوي الأنواع
دراكسن-نوفلور-ماربوسيل

باقي المضادات الحيوية
مش هتبقي مهمة معاك قوي عشان الفلوس

طفيليات الدم
برينيل-تريبانوداد-باترينيل-إيميزول-

أدوية الكرش
بسكوبان (بشري)-لاكسافيت-بايكوديجيست-سوبرماش-أرزينال-بلوتريل

أدوية الديدان
ألبندازول(أفضل نوع شركة أفيكوأردني)-زانيل-زانيد-بيبرازين
بالنسبة للفاشيولا أفضل دواء ديستوميسيد(عن تجربة شخصية)
الجرب
أيفوماك(عن نفسي مبفضلوش)

طبعا معاك جلوكوز 25%
بيكربونات صوديوم(من عند أي عطار للحموضةacidosis)

للعرج
ديكسافينيل أرثريد-بيوتافينيل-أرثريدين-فينلبيوتازون

لرفع المناعة
أد3ه-كافوزال